Air Moldova
| Air Moldova | ||
|---|---|---|
 | ||
| IATA 9U | OACI MLD | Indicativo AIR MOLDOVA |
| Fundación | 1993 | |
| Aeroporto principal | aeroporto de Chișinău | |
| Plan de voo frecuente | Air Moldova Club | |
| Frota | 7 | |
| Destinos | 29 | |
| Eslogan da compañía | Born to fly | |
| Sede | Chișinău, Moldova | |
| Páxina web: https://www.airmoldova.md | ||
Air Moldova é a aeroliña nacional de Moldova con sede en Chișinău. Opera principalmente servizos regulares e chárter a destinos dentro de Europa dende a súa base no aeroporto de Chișinău.
Historia
[editar | editar a fonte]A aeroliña foi creada no ano 1993[1] sobre a base da unidade local de Aeroflot. Dende a súa fundación os esforzos da compañía foron na dirección de integrarse no mercado internacional e cumprir cos estándares e normativas para as aeroliñas de primeira liña.
O 13 de xullo de 2004 Air Moldova converteuse en membro da Asociación de Transporte Aéreo Internacional. A aeroliña tamén superou unha auditoría de seguridade nas operacións e obtivo o certificado de operador IOSA. En maio de 2006 a compañía puxo en funcionamento os billetes electrónicos en todos os seus voos. O certificado de operador de Air Moldova permítelle o transporte de pasaxeiros, mercadorías e correo dende xullo de 2007.
En febreiro de 2015 Air Moldova deixou de voar tres rutas a Bucarest, Kíiv e Sochi cando o contrato con Tandem Aero, que as operaba no seu nome, rematou.[2] A ruta Chișinău-Bucarest relanzouse posteriormente o 12 de decembro de 2016.
Frota
[editar | editar a fonte]
En novembro de 2017 a frota de Air Moldova estaba formada polos seguintes avións:[3]
| Avión | En servizo | Pedidos | Pasaxeiros | Notas | ||
|---|---|---|---|---|---|---|
| J | Y | Total | ||||
| Airbus A319-100 | 2 | — | – | 138 | 138 | |
| Airbus A320-200 | 2 | — | 8 | 162 | 170 | |
| Embraer E-190 | 3 | — | 6 | 108 | 114 | |
| Total | 7 | — | ||||
Embraer asinou un pedido en firme con Air Moldova por 2 Embraer 190. O constrato incluía os dereitos de compra por un aparello máis. A entrega foi o 10 de maio de 2010. Un terceiro Embraer 190 (fabricado en 2009 e anteriormente operado por Lufthansa e Borajet) joined the fleet in 2016.
Notas
[editar | editar a fonte]- ↑ Air Moldova (ed.). "History". Consultado o 16 de marzo de 2018.
- ↑ ch-aviation (ed.). "Air Moldova ends Embraer 120 operations". Consultado o 16 de marzo de 2018.
- ↑ Planespotters (ed.). "Air Moldova Fleet Details and History". Consultado o 16 de marzo de 2018.